Svandís Reynisdóttir sá tíu silkitoppur (Bombycilla garrulus) í Fremri-Gufudal á föstudaginn. Fregnir hafa einnig borist af því að silkitoppur hafi sést við Mýrar í Dýrafirði fyrr í vikunni. Silkitoppur hafa áður sést á Vestfjörðum og þá síðla hausts.

 

Silkitoppa er norðlæg tegund, verpir í barrskógum í Skandinavíu, Rússlandi, Síberíu og Norður-Ameríku. Hún flækist stundum til Íslands og þá oft í stórum flokkum.

 

Þetta kemur fram á vef Náttúrustofu Vestfjarða.