Símaskráin 2013 verður tileinkuð sjálfboðaliðum Slysavarnafélagsins Landsbjargar og þeirra góða og óeigingjarna starfi. Af því tilefni er landsmönnum gefið tækifæri að þakka öllum 18.000 sjálfboðaliðum Slysavarnafélagsins Landsbjargar með því að senda þeim kveðju og/eða reynslusögu af því hvernig sjálfboðaliðar hafa komið fólki til hjálpar.

Um leið og fólk sýnir þakklæti sitt með þessu móti gefst möguleiki á að styrkja björgunarsveitirnar. Þrjár reynslusögur eða þakkir sem best þykja lýsa mikilvægi sjálfboðastarfsins fá peningaverðlaun sem höfundar geta gefið björgunarsveit að eigin vali. 

• 1. verðlaun eru 500.000 krónur.
• 2. verðlaun eru 300.000 krónur.
• 3. verðlaun eru 200.000 krónur.

Valdar þakkir og sögur verða birtar í Símaskránni 2013. Vonast er til þess að framtakið hvetji sjálfboðaliða til að starfa áfram í þágu Slysavarnafélagsins Landsbjargar og jafnvel að enn fleiri gangi í þeirra raðir.

Björgunarsveitin Heimamenn í Reykhólahreppi starfar innan vébanda Slysavarnafélagsins Landsbjargar.

► Smellið hér til að senda inn kveðju eða reynslusögu

► 30.12.2012 Um margvísleg útköll Björgunarsveitarinnar Heimamanna 2012