Vetrarsólhvörf á Reykhólum / hþm.

Að venju breytast afgreiðslutímar hér og hvar um jól og áramót. Hér eru tenglar þar sem finna má upplýsingar um þetta varðandi skrifstofu Reykhólahrepps, bókasafnið á Reykhólum, Grettislaug og afgreiðslu Landsbankans á Reykhólum. Hérna fyrir neðan er síðan borði með upplýsingum um afgreiðslutíma í versluninni Hólakaupum á Reykhólum um jólin og áramótin.

Myndin var tekin við vetrarsólhvörf (sólstöður á vetri) 21. desember 2008 kl. 13.13 þegar sólin gægðist örstutta stund til Reykhóla gegnum skarð í fjallgarðinum upp af Skarðsströndinni. Á réttu hádegi stuttu síðar komst hún hæst á ferli sínum þann daginn en þá var hún horfin Reykhólafólki. Daginn eftir komst blessuð dagstjarnan hænufetinu fræga hærra á loft á nýjan leik á þrotlausu hringsóli sínu daglangt og árlangt um eilífar tíðir.