Minnispeningur í 70 eintaka upplagi hefur verið sleginn í tilefni þess að 70 ár eru liðin frá því að sjómannadagurinn var fyrst haldinn hátíðlegur á Patreksfirði 8. júní 1941. Peningurinn sem er í fallegri öskju er úr bronsi, fimm cm í þvermál. Hver peningur er tölusettur og númerið slegið í röndina. Ísspor í Reykjavík gróf mótið og annaðist myntsláttuna en hönnun var í höndum Magnúsar Ólafs Hanssonar og Einars Jónssonar.

 
Á annarri hlið peningsins stendur Kappróðrarbikarinn 1941-2011. Í fyrsta sinn vann bikarinn áhöfnin á togaranum Gylfa BA 77.
 

Nánari upplýsingar gefur Magnús Ólafs Hansson hjá Skor, þekkingarsetri á Patreksfirði, í síma 490 2301, og hann annast jafnframt sölu peningsins.