Jón Kristinsson og Dalli eigast við.

Komandi þriðjudaga klukkan 20 ætlum við að tefla okkur til ánægju í föndurherberginu á efri hæð Barmahlíðar, segir hinn gamalkunni og margreyndi skákmaður Guðjón D. Gunnarsson á Reykhólum (Dalli). Þeir sem eiga töfl og klukkur taki þau með.

Á myndinni eru Jón Kristinsson á Hólmavík, lengi fastamaður í íslenska landsliðinu fyrr á árum (tefldi meðal annars á sex Ólympíumótum) og tvöfaldur Íslandsmeistari, og Guðjón D. Gunnarsson. Þarna eru þeir að tafli einmitt í föndurherberginu í Barmahlíð fyrir nokkrum árum.