Matvælastofnun hefur gert þjónustusamning við Gísla Sverri Halldórsson dýralækni um að taka að sér almenna dýralæknisþjónustu og bráðaþjónustu í Reykhólahreppi og öðrum sveitarfélögum sem tilheyra þjónustusvæði 2 (Dalabyggð og sveitarfélög í Strandasýslu), sbr. 2. gr. reglugerðar nr. 846/2011 um dýralæknaþjónustu í dreifðum byggðum. Um er að ræða skammtímasamning sem gildir næsta mánuð eða frá 1. maí til 1. júní.

Áfram er unnið að því að tryggja varanlega dýralæknaþjónustu á þjónustusvæði 2.

Gísli Sverrir mun hafa aðstöðu að Ægisbraut 19 í Búðardal. Símanúmer hans eru 434 1122 og 862 9005.

Þetta kemur fram í tilkynningu frá Matvælastofnun.