Námskeið á vegum Símenntunarmiðstöðvar Vesturlands þar sem kennd verður tækni til að búa til skart úr lambahornum verður haldið í Auðarskóla í Búðardal þriðjudagskvöldið 6. október og stendur kl. 17.30 til 20.30. Búinn verður til fingurhringur úr lambshorni og mun hver og einn hanna útlit sinnar smíði eftir eigin höfði. Til að flýta fyrir verður búið að saga niður og þurrka hringi.

Efni er innifalið í verði. Notaðar eru vélar og sandpappír til að pússa hornin til.

Leiðbeinandi verður Þorbjörg Óskarsdóttir listakona. Gjaldið er kr. 11.500. Minnt er á styrki úr fræðslusjóðum verkalýðsfélaga.

Skráning í síma 437 2390 eða netfanginu skraning@simenntun.is.

► Símenntunarmiðstöð Vesturlands

► Líka á Facebook