1. desember 2011 |
Skemmtileg tilbreyting frá hefðbundnu skólastarfi
Tæknilegó-námskeiðið í Reykhólaskóla.
Jóhann Breiðfjörð kom í heimsókn í Reykhólaskóla í byrjun vikunnar og hélt tæknilegó-námskeið (sjá meðfylgjandi myndaröð) en hann kom einnig þeirra erinda á síðasta vetri. Nemendum finnst þetta mjög skemmtileg tilbreyting frá hinu hefðbundna skólastarfi. Námskeiðið var í boði Reykhóladeildar Lions og færir skólinn félagsskapnum bestu þakkir. Jóhann starfaði í fimm ár sem hönnuður, hugmyndasmiður og ráðgjafi hjá tæknideild leikfangafyrirtækisins LEGO. Hann ferðast um landið og heimsækir skóla og félagsmiðstöðvar og kynnir fyrir þeim tæknilegó.
Á undanförnum árum hefur Jóhann Breiðfjörð haldið yfir 300 nýsköpunarnámskeið fyrir grunnskólanema og fjölda fyrirlestra um skapandi hugsun.
Júlía Guðjónsdóttir skólastjóri tók myndirnar.