15. mars 2014 | vefstjori@reykholar.is
Skorað á N1 að fresta lokuninni
Skjáskot af vef N1.
Í gærkvöldi var stofnað til undirskriftasöfnunar, þar sem því er beint til N1 að fresta lokun eldsneytisafgreiðslunnar í Króksfjarðarnesi fram á haustið. Þegar þetta er ritað hefur nokkuð á fimmta tug fólks skrifað undir. Þeir sem það gera geta valið hvort nöfn þeirra birtast opinberlega eða ekki. Þegar skrifað hefur verið undir kemur til baka í netfangið sjálfvirkur póstur sem staðfesta þarf.
► Slóðin á undirskriftasöfnunina
► Dælunum í Nesi lokað nánast fyrirvaralaust
Bergsveinn G Reynisson, sunnudagur 16 mars kl: 14:55
Gaman að sjá þetta skjáskot af síðuni hjá N1, því þetta númer hefur ekki verið í notkun hér í u.þ.b. 8 ár. Þetta var beini síminn á skrifstofu kaupfélagsstjóra. Í dag gæti verið að þingmaður Framsóknar í NV kjördæmi svari ef hringt er í N1 í Króksfjarðarnesi. Eins er ég ekki alveg viss hvar yrði svarað ef hringt væri í 4350050, sem er númerið sem er gefið upp á Reykhólum.