Markaðsstofur landshlutanna standa fyrir Mannamóti 2016, sem er vettvangur fyrir ferðaþjónustufyrirtæki á landsbyggðinni til að hitta ferðaskipuleggjendur og ferðaskrifstofur í Reykjavík. Mannamótið verður 21. janúar í flugskýli Flugfélagsins Ernis á Reykjavíkurflugvelli. Skráning er hafin á nýrri heimasíðu markaðsstofanna.

„Nú þegar hafa fjölmörg fyrirtæki skráð sig og stefnir allt í að við fyllum flugskýlið og því mikilvægt að skrá sig sem fyrst til að tryggja sér pláss,“ segir Díana Jóhannsdóttir markaðsfulltrúi hjá Markaðsstofu Vestfjarða í fréttapósti.

Allar ítarupplýsingar er að finna á www.markadsstofur.is. „En ef þið eruð óviss um eitthvað, ekki hika við að hafa samband í diana@vestfirdir.is,“ segir hún.