Skrugga - myndir - aukasýning
Um hundrað manns komu á kaffihúsið og örleikritin hjá Skruggu í íþróttahúsinu á Reykhólum að kvöldi síðasta vetrardags. Nú hefur verið ákveðið að hafa aukasýningu á þáttunum fjórum kl. 21 á sunnudagskvöld en þá verður ekki kaffihús líka.
Verð á leiksýninguna á sunnudagskvöld verður kr. 1.000 og enginn posi.
Svipmyndirnar sem hér fylgja tók Dagný Stefánsdóttir. Þar getur að líta myndir af leikendum á sviðinu og aðrar teknar baksviðs og enn aðrar á „kaffihúsinu“ í hléinu.
Gamanþættirnir Í bíltúr og Á heimilinu eru eftir Maríu Guðmundsdóttur hjá Leikfélagi Mosfellssveitar, Hjónabandsmiðlunin er eftir óþekktan höfund en Amma í stuði með Guði er eftir Sólveigu Sigríði Magnúsdóttur (Sollu Magg), formann Skruggu, sem jafnframt er leikstjóri. Leikendur eru fimmtán auk gítarleikara.