Af vefnum timarit.is.

Þennan dag fyrir 79 árum, 7. desember 1936, rigndi síld í Bjarneyjum á Breiðafirði og þótti tíðindum sæta. Bæði Alþýðublaðið og Vísir greindu frá þessu nánast samhljóða sama daginn fjórum vikum seinna eða 4. janúar 1937 og vitnuðu í fréttaritara útvarpsins í Flatey. Ætla má að þá hafi alveg nýlega verið sagt frá þessu í útvarpinu, en fréttaflutningur á þeim tíma var vissulega ekki eins hraður og núna. Skýringin á þessari síld af himnum ofan var rakin til óvenjulegs veðurfyrirbæris.

Núna stefnir í mjög óvenjulegt veður (það hefur varla farið framhjá mörgum) og þá er spurningin þessi: Skyldi þessu veðri fylgja síld úr Breiðafirði?

Myndin er af fréttinni í Vísi og má gera hana læsilega með því að smella á hana.