Námskeið um söfnun og notkun íslenskra lækningajurta verður haldið í Búðardal fimmtudaginn 9. júní kl. 17.30-19. Farið verður yfir helstu atriði í þessum efnum og hvernig útbúa á jurtablöndur. Námskeiðið verður haldið í Auðarskóla en fer þó að mestum hluta fram úti í náttúrunni. Þátttakendur þurfa að klæða sig eftir veðri og gott er að hafa með sér skæri, ílát undir jurtir, t.d. körfu, og kannski flórubók þó að hún sé ekki nauðsynleg.

 

Vegleg gögn fylgja um áhrif helstu lækningajurta og uppskriftir að jurtablöndum gegn ýmsum kvillum.

 

Námskeiðið er haldið á vegum Símenntunarmiðstöðvar Vesturlands en leiðbeinandi er Ásdís Ragna Einarsdóttir grasalæknir. Hún brautskráðist frá University of East London árið 2005 með B.Sc.-gráðu í grasalækningum. Vann í nokkur ár í Jurtaapótekinu en hefur verið með eigin viðtalsstofu í Reykjanesbæ frá 2008. Hún hefur haldið fjölmarga fyrirlestra víðs vegar um landið.

 

Nánari upplýsingar má fá hér eða í síma 437 2390.

 

Símenntunarmiðstöðin á Vesturlandi