Sögurölt í Ólafsdal
Sauðfjársetur á Ströndum og Byggðasafn Dalamanna ákváðu í vetur að leggja saman krafta sína og skipuleggja sameiginlega göngur í sumar. Í fyrrasumar var boðið upp á fjölbreyttar göngur hjá báðum söfnunum, en í sumar er stefnan sett á styttri göngur og meiri sögur, þ.e. sögurölt um Dali og Strandir.
Þótt liðið verði á sumar þegar við byrjum, þá byrjum við með stæl í næsta nágrenni allra sveitarfélaganna þriggja sem standa sameiginlega að svæðisskipulagi. Fyrsta söguröltið verður í Ólafsdal þar sem skoðaðar verða skálarústir frá 9. – 10. öld í samstarfi við Fornleifastofnun Íslands og Ólafdalsfélagið.
Nánari upplýsingar eru á vef Dalabyggðar http://www.dalir.is/frettir/nr/205849/
og viðburður á fb https://www.facebook.com/events/164773041046572/?notif_t=plan_user_joined¬if_id=1529361788123373
Vonast er til að sjá sem flesta íbúa þessara þriggja nágrannasveitarfélaga í Ólafsdal næsta mánudag.