Solla Magg.

Sólveig Sigríður Magnúsdóttir, betur þekkt sem Solla Magg, fór í morgun alfarin frá Reykhólum. Hún hafði samband núna í kvöld og bað vefinn fyrir innilegustu kveðjur til alls þess yndislega góða fólks sem hún kynntist í héraðinu árin þrjú sem hún var á Reykhólum. Solla var komin til dóttur sinnar í Keflavík en núna fyrir helgina fer hún vestur í Örlygshöfn við Patreksfjörð. Þar ætlar hún að vera í mánaðartíma hjá syni sínum - með tærnar upp í loft, eins og hún orðaði það.

Eftir það fer Solla til Keflavíkur þar sem hún ætlar að vera að minnsta kosti næsta vetur.

Nú er bara að sjá hver fer í fötin hennar Sollu Magg þar sem leikstarfið í Reykhólahreppi er annars vegar. Hún var drifkrafturinn í því að endurvekja Leikfélagið Skruggu, formaður þess frá upphafi, leikþáttahöfundur og leikstjóri.

► Endurvakin Skrugga í kvennagreipum