Áheyrendur kjósa besta lagið af þeim sem bárust í sönglagakeppni Reykhóladaganna 2012 á tónleikum í íþróttahúsinu á Reykhólum núna á föstudagskvöld, 15. júní. Skilmálar í keppninni voru þeir, að bæði lag og texti yrðu að vera frumsamin og hefðu ekki verið flutt opinberlega áður. Nöfnum höfunda verður haldið leyndum þar til úrslitin liggja fyrir.

Húsið verður opnað kl. 19.30 en flutningur laganna hefst kl. 20.

Aðgangseyrir verður kr. 500 fyrir fullorðna, kr. 250 fyrir 13-16 ára og kr. 100 fyrir yngri. Allur ágóði rennur til Reykhóladaganna. Umf. Afturelding verður með sjoppu.

► 31.03.2012  Efnt til lagasamkeppni fyrir Reykhóladagana