Sigurlið Önfirðingafélagsins í fyrstu Spurningakeppni átthagafélaga 1998. F.v. Rakel Brynjólfsdóttir, Gísli Rúnar Gíslason, Ragnheiður Elín Bjarnadóttir keppnisstjóri og Kristján Bersi Ólafsson. Ljósm. Björn Ingi Bjarnason.

Núna liggur fyrir að einungis annað félaganna tveggja sem rætur sínar eiga við Breiðafjörðinn kemst í átta liða úrslit í Spurningakeppni átthagafélaganna. Sextán lið taka þátt í keppninni og drógust Barðstrendingafélagið og Breiðfirðingafélagið saman í fyrstu umferð. Hún fer fram 28. febrúar og 7. mars og verða fjórar viðureignir hvort kvöld. Athygli vekur, að af liðunum sextán eru níu með rætur á Vestfjarðakjálkanum og kringum Breiðafjörð.

Í fyrri hluta fyrstu umferðar (28. febrúar) eigast við:

• Skaftfellingafélagið - Átthagafélag Djúpmanna
• Húnvetningafélagið - Átthagafélag Sléttuhrepps
• Önfirðingafélagið - Árnesingafélagið
• Stokkseyringafélagið - Dýrfirðingafélagið

Í seinni hluta fyrstu umferðar (7. mars) eigast við:

• Barðstrendingafélagið - Breiðfirðingafélagið
• Súgfirðingafélagið - Átthagafélag Strandamanna
• Átthagafélag Héraðsmanna - Vestfirðingafélagið
• Siglfirðingafélagið - Norðfirðingafélagið

Átta liða úrslit fara fram 21. mars og undanúrslitin 11. apríl. Úrslitakeppnin verður síðasta vetrardag, 24. apríl, og síðan verður húllumhæ og dans fram á nótt.

Keppt verður í Breiðfirðingabúð í Reykjavík, Faxafeni 14 (fyrir ofan Bónus). Húsið verður opnað kl. 19.30 hverju sinni og keppni hefst kl. 20. Aðgangseyrir er 500 krónur og hægt verður að kaupa kaffi og gos.

Nefndin sem annast framkvæmd keppninnar hvetur fólk til að fjölmenna öll kvöldin í Breiðfirðingabúð, hvetja sitt fólk og njóta skemmtunarinnar.

► 19.01.2013 Spurningakeppni átthagafélaganna endurvakin