Íslandsstofa kannar áhuga fyrirtækja í ferðatengdri þjónustu við fuglaskoðara á þátttöku í sýningunni Birdfair sem fram fer í Rutland á Englandi 19.-21. ágúst. Þetta er í þriðja sinn sem Íslandsstofa, áður Útflutningsráð Íslands, skipuleggur þátttöku í þessari fjölsóttu og mikilvægu sýningu. Markmiðið er að kynna Ísland sem áfangastað til fuglaskoðunar hjá erlendum fuglaskoðurum. Rúmlega 20 þúsund manns sækja sýninguna á ári hverju og sýnendur, sem eru um 300 talsins, koma víða að úr heiminum.

 

Tekið skal fram, að þar sem íslenski sýningarbásinn er ekki stór í sniðum reynist nauðsynlegt að takmarka fjölda sýnenda. Því er reiknað með að velja þurfi úr hópi umsækjenda. Þátttökukostnaður fyrir hvert fyrirtæki er kr. 25.000.

 

Umsóknareyðublað má nálgast hér.

 

Nánari upplýsingar um sýninguna er að finna á vefsíðu hennar.

 

Áhugasamir um þátttöku eða nánari upplýsingar hafi samband við Berglindi Steindórsdóttur hjá Íslandsstofu fyrir miðvikudaginn 1. júní, sími 511 4000.