Jóhannes, Karl, Elína Hrund og Agnes.

Sr. Elína Hrund Kristjánsdóttir sóknarprestur er fimmtug á morgun, miðvikudaginn 30. maí. Hún er væntanleg heim á Reykhóla að kvöldi afmælisdagsins en núna er hún á Ísafirði. Þar situr hún í dag fund Prestafélags Vestfjarða en notar jafnframt ferðina til að heilsa upp á vinafólk á norðursvæðinu. Líka er tækifærið notað að kveðja prófastinn, sr. Agnesi í Bolungarvík, sem senn tekur við embætti biskups Íslands. Á leiðinni til baka á morgun ætlar sr. Elína að koma við á Patreksfirði, þar sem móðir hennar fæddist.

Myndin var tekin í Flatey fyrir þremur árum þegar biskup Íslands vísiteraði. Frá vinstri: Jóhannes Geir Gíslason í Skáleyjum, formaður sóknarnefndar Flateyjarsóknar, herra Karl Sigurbjörnsson, biskup Íslands, sr. Elína Hrund Kristjánsdóttir, sóknarprestur, og sr. Agnes M. Sigurðardóttir, prófastur Vestfjarðaprófastsdæmis. Flateyjarkirkja með vinnupalla í bakgrunni.

Umsjónarmaður vefjarins sagði á sínum tíma að á þessu ári verði ekki þverfótað fyrir fimmtugsafmælum í Reykhólahreppi og hefur áður getið hér um tvö þeirra. Honum yfirsást hins vegar fimmtugsafmæli Arnórs Hreiðars Ragnarssonar á Hofsstöðum, sem var fyrir réttri viku, þriðjudaginn 22. maí.