Reykhólaskóli, mynd Árni Geirsson

Laus til umsóknar staða skólastjóra Reykhólaskóla

Reykhólahreppur auglýsir stöðu skólastjóra Reykhólaskóla lausa til umsóknar. Skólinn er samrekinn leik-, grunn- og tónlistarskóli undir einu þaki. Í skólanum eru um 60 nemendur.

Reykhólar er sveitarfélag með um 270 íbúa og býr um helmingur þeirra í þéttbýlinu á Reykhólum. Á Reykhólum er að finna margvíslega þjónustu.

Starfssvið:

• Að veita skólanum faglega forystu á sviði kennslu og þróunar í skólastarfi
• Að leiða samstarf nemenda, starfsmanna, heimila og skólasamfélagsins í heild
• Að stýra og bera ábyrgð á rekstri skólans og daglegri starfsemi

Menntunar- og hæfniskröfur:

• Leyfisbréf leik- og/eða grunnskólakennara
• Kennslureynsla í grunnskóla er skilyrði
• Framhaldsmenntun á sviði stjórnunar og uppeldis- og menntunarfræða er kostur
• Reynsla af störfum á sviði stjórnunar, rekstrar og þróunarstarfi er kostur
• Hæfni í mannlegum samskiptum
• Metnaður, hugmyndaauðgi, skipulagshæfni og leiðtogahæfileikar

Leitað er að einstaklingi sem hefur skýra framtíðarsýn í skólamálum, er skapandi og metnaðarfullur. Staðan er laus frá 1. júní 2019. Launakjör eru samkvæmt samningi Sambands íslenskra sveitarfélaga og Kennarasambands Íslands.

Umsókn skal fylgja greinargott yfirlit um nám og störf (ferilskrá), leyfisbréf til kennslu, kynningarbréf og meðmæli. Öllum umsóknum verður svarað þegar ákvörðun um ráðningu hefur verið tekin. Við hvetjum bæði konur og karla til að sækja um starfið.

Upplýsingar um starfið veitir Tryggvi Harðarson, sveitarstjóri Reykhólahrepps, í síma 430-3200 eða í gegnum netfangið sveitarstjori@reykholar.is

Umsóknarfrestur er til og með 24. mars 2019.

Umsóknum skal skilað til sveitarstjóra Reykhólahrepps á netfangið sveitarstjori@reykholar.is