Lagning ljósleiðarans út Reykjanes

Heimtaugar í Króksfjarðarnesi

Talsvert fyrirtæki er að finna eldri lagnir í jörð

« 1 af 4 »

Vinna hófst að nýju við lagningu ljósleiðara í Reykhólahreppi í byrjun maí eftir að frost var farið úr jörðu.  Verkefninu er skipt í tvö svæði.  Svæði I nær frá Miðhúsum út að Stað og niður að Þörungaverksmiðju, svæði II nær frá Miðhúsum að Hofsstöðum annarsvegar og Gilsfirði hinsvegar. Í fyrra lauk lagningu stofns um bæði svæðin, fyrir utan lítinn kafla á milli Hóla og Króksfjarðarness. 

Verið er að leggja lokahönd á svæði I, plægingu er lokið og er uppsetningu á búnaði innanhúss að ljúka.  Búast má við að fljótlega verði hægt að sækja um tengingu í gegnum kerfið.

Hafin er vinna við lagningu heimtauga á svæði II og er stefnt að því að klára lagningu og tengingu svæðisins í lok sumars, byrjun hausts.

Send verður út tilkynning þegar hægt verður að sækja um langþráða ljósleiðaratenginu á umræddum svæðum.