Nú fyrir skömmu stóð Fjölbrautaskóli Vesturlands á Akranesi fyrir hinni árlegu stærðfræðikeppni grunnskólanema á Vesturlandi. Keppnin fór fram á Akranesi og fóru þangað til þátttöku þrír nemendur úr 8. bekk Reykhólaskóla, þau Arnar Ingi Karlsson, Dagný Bjarkadóttir og Eydís Sunna Harðardóttir. Ungmennin úr Reykhólahreppi stóðu sig mjög vel og hlaut Eydís Sunna tíu þúsund króna verðlaun fyrir 2. sætið í keppninni.

 

Á fyrstu mynd er Eydís Sunna. Á annarri mynd eru þau fjögur sem skipuðu þrjú efstu sætin í 8. bekk, en tvö urðu jöfn í þriðja sæti. Á þriðju mynd eru þau sem skipuðu tíu efstu sætin í 8. bekk ásamt Herði Ó. Helgasyni skólameistara FVA, og þar er Eydís Sunna önnur frá hægri. Á fjórðu myndinni eru tíu efstu úr 8., 9. og 10. bekk og þar er Eydís Sunna lengst til hægri. Smellið á myndirnar til að stækka þær.