Frá Handverkshátíð 2014.

Hafinn er undirbúningur Handverkshátíðar 2015, sem fram fer í Hrafnagilsskóla í Eyjafirði 6.-9. ágúst. Hátíðin er fyrir löngu orðin einn stærsti menningarviðburður á Eyjafjarðarsvæðinu, jafnframt því að vera stærsti vettvangur handverksfólks og hönnuða á landinu. Árlega eru um 100 sýnendur og hátíðin fær um 15-20 þúsund heimsóknir.

Þetta kemur fram í tilkynningu. Umsóknir vegna þátttöku á hátíðinni streyma inn þessa dagana, segir þar einnig. Umsóknarfrestur rennur út 1. apríl. Nánari upplýsingar er að finna á www.handverkshatid.is.