Verbúðin á sýningunni.

Óskað er eftir starfsmanni 20 ára eða eldri í 50-75% stöðu á Báta- og hlunnindasýningunni á Reykhólum í sumar. Vinnutími kl. 10.45-17.30 og einhver kvöld. Mikilvægt er að umsækjendur séu jákvæðir, duglegir og samviskusamir, hafi gaman af samskiptum við fólk og séu kunnugir Reykhólahreppi og því sem hann hefur að bjóða. Jafnframt er kunnátta í erlendum tungumálum mikilvæg, sérstaklega ensku. Reynsla af þjónustustörfum er kostur.

Hlutverk starfsmanna Báta- og hlunnindasýningarinnar er að afgreiða á sýningunni og í minjagripaverslun og veita leiðsögn um sýninguna. Einnig sjá starfsmenn um bakstur og afgreiðslu á kaffihúsinu, sem er að hefja sitt fjórða starfsár. Þeir sjá líka um uppgjör, skýrsluhald og skráningar á munum og almenn störf á upplýsingamiðstöðinni sem er á sama stað.

Umsóknir sendist Hörpu Eiríksdóttur í netfangið info@reykholar.is sem allra fyrst. Ef einhverjar spurningar vakna má senda þær í sama netfang.