Borgar Þórarinsson tónlistarkennari á Hólmavík hefur fallist á að vera með tónlistarkennslu á Reykhólum ef áhugi reynist nægur. Hann kennir á gítar, bassa og trommur og einnig kennir hann byrjendum á píanó. Ef af verður mun hann að líkindum koma tvisvar í viku og yrði verð fyrir tíu vikur 35 þúsund krónur. Nemendur gætu verið á öllum aldri. Skráið ykkur sjálf eða börnin ykkar sem allra fyrst hjá Guðrúnu Guðmundsdóttur á Reykhólum í síma 865 5237.

Borgar er úr Aðaldal en fluttist til Hólmavíkur fyrir ári. Hann hefur spilað í ýmsum hljómsveitum, þar á meðal með Geirmundi Valtýssyni.