Stefnt að verklokum eftir þrjá mánuði
Nýr fjögurra kílómetra vegarkafli með bundnu slitlagi við vestanverðan Kerlingarfjörð í Múlasveit í Reykhólahreppi var opnaður umferð fyrir helgi. Þetta er fyrsti áfanginn í endurbyggingu eða nýbyggingu þar sem tæplega 16 km vegur með bundnu slitlagi og þverunum yfir tvo firði kemur í stað 24 km malarvegar, að langmestu leyti innan marka Reykhólahrepps en að hluta innan vébanda Vesturbyggðar.
Gísli Eysteinsson verkstjóri hjá verktakanum Suðurverki vonast til þess að hægt verði að opna þverunina yfir Kjálkafjörð í byrjun september, eftir því sem fram kemur á visir.is. Lokaáfanginn, þverun Mjóafjarðar, sem er innfjörður Kerlingarfjarðar, verði síðan opnaður um tveimur mánuðum seinna.
Sjá einnig:
21.02.2014 Vegurinn um Múlasveit ári á undan áætlun
31.05.2013 Unnið að þverun og brúargerð í Kjálkafirði (myndir / Sveinn Ragnarsson)
03.05.2012 Suðurverk hefst þegar handa