Hrefna Jónsdóttir á Reykhólum hefur ákveðið að stofna barnakór fyrir krakka á aldrinum 5-11 ára. Æfingar verða í kirkjunni kl. 16.30-18 á miðvikudögum og byrja í næstu viku. Hrefna tekur fram að hér verði ekki um kirkjukór að ræða þó að hún hafi fengið aðstöðu í kirkjunni, heldur henti hún mjög vel fyrir söngæfingar vegna góðs hljómburðar auk þess sem plássið er gott.

Unnið verður markvisst að réttri raddbeitingu og því að yfirstíga feimni. Stefnt er að því að halda tónleika í nóvember-desember.

Æfingar hefjast á miðvikudag í næstu viku, 5. september. Haustönnin kostar 3.000 krónur.

Skráning er hjá Hrefnu í síma 845 5751, á Facebook-síðu hennar eða í netfanginu hrefna@gullsteinn.is.

Hrefna lærði píanóleik í nokkur ár og síðan á gítar. Hún hefur lært söngtæknina Complete Vocal í þrjú ár. Hún hefur sungið með nokkrum kórum, m.a. Gospelkór Vestfjarða.