Mötuneyti Reykhólahrepps er sameinað mötuneyti Reykhólaskóla og Hjúkrunar- og dvalarheimilisins Barmahlíðar. Stefnt er að því að sameiginlegt mötuneyti taki til starfa 1. júní. Hér með eru störf matráðs IV, aðstoðarmatráðs og aðstoðar í mötuneytinu auglýst laus til umsóknar. Um er að ræða verkefni í þróun, spennandi störf fyrir jákvætt og úrræðagott fólk.

Matráður IV hefur yfirumsjón með eldhúsi, sér um matseld (heitan mat) og bakstur, skipuleggur matseðla mánuð fram í tímann, annast innkaup á matvörum, áhöldum og tækjum og hefur umsjón með þrifum á eldhúsi. Gerð er krafa um mikla reynslu á þessu sviði. Ber ábyrgð á fjármunum með öðrum og hefur skilgreinda undirmenn. Matráður þarf að hlíta stefnu skólanna, hjúkrunarheimilisins og Lýðheilsustöðvar um hollt og gott mataræði. Starfshlutfall er 90-100% eftir samkomulagi.

Aðstoðarmatráður í mötuneyti. Gerð er krafa um þekkingu og reynslu í eldhússtörfum og matreiðslu. Starfar í mötuneyti vð matargerð og þrif. Vinnur sjálfstætt eftir fyrirmælum matráðs við bakstur og matargerð (heitur matur). Starfshlutfall er 60%. Unnið er á vöktum aðra hverja helgi.

Aðstoð í mötuneyti. Starfar í mötuneyti, svo sem við matarskömmtun, aðstoð við matargerð og þrif. Starfshlutfall er 50%.

Ráðið verður í störfin frá og með 1. júní 2012.

Umsóknarfrestur er til og með 13. maí.

Umsóknir ásamt ferilskrá sendist á netfangið sveitarstjori@reykholar.is eða á skrifstofu Reykhólahrepps, Maríutröð 5, 380 Reykhólahreppi.

Nánari upplýsingar veitir Ingibjörg Birna Erlingsdóttir sveitarstjóri í síma 434 7880.