Vinnumálastofnun/velferðarráðuneytið auglýsir styrki til atvinnumála kvenna árið 2017 lausa til umsóknar. Verkefnið eða hugmyndin þarf að uppfylla eftirfarandi skilyrði: 

• Verkefnið sé í meirihlutaeigu konu/kvenna (a.m.k. 51%) og stjórnað af konu.
• Verkefnið feli í sér nýnæmi eða nýsköpun af einhverju tagi.
• Verkefnið feli í sér atvinnusköpun til frambúðar.
• Viðskiptahugmynd sé vel útfærð.

Veittir eru styrkir til gerðar viðskiptaáætlunar, til markaðssetningar og gerðar markaðsáætlunar, vöruþróunar, hönnunar og efniskostnaðar. Enn fremur geta konur sem hafa fullmótaða viðskiptaáætlun og hafa hug á því að stofna fyrirtæki á næstunni, eða hafa stofnað fyrirtæki en ekki hafið rekstur, sótt um styrk til að koma henni í framkvæmd.

Heildarfjárhæð styrkja að þessu sinni er kr. 35.000.000 og er hámarksstyrkur kr. 4.000.000. Ekki eru veittir lægri styrkir en kr. 600.000. Umsóknarfrestur er til og með 20. febrúar.

Meira hér á vef Fjórðungssambands Vestfirðinga.