Styrkir sprotafyrirtæki og nýsköpun á Vestfjörðum
Vaxtarsamningur Vestfjarða (Vaxvest) hefur ákveðið að styrkja uppbyggingu ferðaskrifstofunnar Wild Westfjords, sem mun vinna sérstaklega að sölu á pakkaferðum til Vestfjarða til hollenskra ferðamanna. „Ferðaþjónusta á Vestfjörðum hefur verið að vaxa og eru styrkir sem þessir mikilvægir til að auðvelda sprotafyrirtækjum og nýsköpunarhugmyndum að koma sinni starfsemi og vörum á framfæri. Það er trú Vaxvest að þessi styrkur muni fjölga erlendum ferðamönnum á Vestfjörðum og í heildina efla ferðaþjónustu á svæðinu,“ segir í tilkynningu frá Vaxvest.
Vaxtarsamningur Vestfjarða er samstarfverkefni Atvinnuþróunarfélags Vestfjarða og iðnaðarráðuneytisins.
Nánari upplýsingar um verkefni Vaxvest og möguleika á styrkjum veitir Shiran Þórisson, sími 450 3000.