Atvinnuþróunarfélag Vestfjarða auglýsir eftir umsóknum um fjóra styrki að upphæð ein milljón hver til fyrirtækja og/eða stofnana sem eru lögaðilar á Vestfjörðum, til þess að ráða nýútskrifaðan háskólanema í nýsköpunarverkefni eða þróunarverkefni á vegum fyrirtækisins eða stofnunarinnar. Gert er ráð fyrir að umsækjandi leggi fram a.m.k. jafnháa upphæð í launum og launatengdum gjöldum fyrir viðkomandi starfsmanni.

Áhugaverðustu hugmyndirnar myndu ákjósanlegast vera um framleiðslu á nýrri vöru eða þjónustu sem hefur góða markaðsmöguleika á mörkuðum fyrir utan Vestfirði. Mjög mikilvægt er að markaðsmöguleikar séu trúverðugir, vel ígrundaðir og rökstuddir.

Umsóknarfrestur er til 14. maí 2014.

Nánari upplýsingar má finna hér.