Framkvæmdasjóður ferðamannastaða auglýsir eftir umsóknum um styrki vegna uppbyggingar á ferðamannastöðum árið 2014. Umsóknarfrestur er til og með 22. janúar. Verkefni verða að uppfylla að minnsta kosti eitt af eftirfarandi skilyrðum:

• Verkefnið er til uppbyggingar, viðhalds og verndunar mannvirkja og náttúru á ferðamannastöðum í eigu opinberra aðila eða á náttúruverndarsvæðum.
• Verkefnið er til framkvæmda sem varða öryggi ferðamanna og verndun náttúru á ferðamannastöðum í eigu opinberra aðila jafnt sem einkaaðila.
• Verkefnið er til undirbúnings- og hönnunarvinnu sem er nauðsynleg vegna framkvæmda á ferðamannastöðum eða náttúruverndarsvæðum.

Áherslur og ábendingar til umsækjenda

• Framkvæmdasjóðurinn leggur sérstaka áherslu á verkefni þar sem horft er til heildarmyndar ferðamannastaða og ferðamannaleiða.
• Framlög til einkaaðila eru háð því skilyrði að um sé að ræða ferðamannastaði sem eru opnir almenningi.
• Að jafnaði getur styrkur ekki numið hærri upphæð en 50% af kostnaði.

Áður en ráðist er í gerð styrkumsókna er nauðsynlegt að kynna sér eftirtalið:

• Menningarstefna í mannvirkjagerð
• Ný skipulagslög nr. 123/2010
• „Góðir staðir“ - leiðbeiningarit um uppbyggingu ferðamannastaða
• Bæklingurinn Aðgengi fyrir alla
• Handbók um merkingar (pdf 8,6 Mb)
• Matsblað fyrir styrkumsóknir

► Nánar hér