Ljósm. Wikipedia.

Byggðasamlag Vestfjarða um málefni fatlaðs fólks vekur athygli á réttinum til að sækja um styrki samkvæmt lögum um málefni fatlaðs fólks. Samlaginu er heimilt að veita styrk til greiðslu námskostnaðar sem ekki er greiddur samkvæmt ákvæðum annarra laga, enda telst námið hafa gildi sem hæfing eða endurhæfing. Einnig er heimilt að veita þeim sem eru 18 ára og eldri styrk til verkfæra- og tækjakaupa í sambandi við heimavinnu eða sjálfstæða starfsemi, enda teljist starfsemin hafa gildi sem félagsleg hæfing eða endurhæfing sem miði að því að auðvelda fötluðu fólki að skapa sér atvinnu.

Umsóknarfrestur er til 15. nóvember og skulu umsóknir berast til félagsþjónustu lögheimilissveitarfélags. Umsóknareyðublöð og reglur um styrki vegna námskostnaðar og verkfæra- og tækjakaupa er að finna hjá viðkomandi félagsþjónustu.

• Félagsþjónusta Stranda og Reykhólahrepps, Höfðagötu 3, 510 Hólmavík, 451 3510, 434 7880, www.strandabyggd.is, www.reykholar.is.
• Félagsþjónustan við Djúp, Aðalstræti 12, 415 Bolungarvík, 450 7000, 450 5900, www.bolungarvik.is, www.sudavik.is.
• Ísafjarðarbær, Hafnarstræti 1, 400 Ísafjörður, 450 8000, www.isafjordur.is.
• Félagsþjónusta Vestur-Barðastrandarsýslu, Aðalstræti 75, 450 Patreksfjörður, 450 2300, 456 2539, www.vesturbyggd.is, www.talknafjordur.is.