Harpa frá Tindum og Aron Vignir.

Fyrir hálfri annarri viku lenti ungur maður á fjórhjóli í alvarlegu slysi í Grafarvogi í Reykjavík, eins og fram hefur komið í fréttum. Hann er nú kominn af gjörgæslu, en taka varð af honum annan fótinn um miðjan legg. Ungi maðurinn heitir Aron Vignir Sveinsson en unnusta hans er Harpa Harðardóttir frá Tindum í Geiradal í Reykhólahreppi, dóttir Fjólu Benediktsdóttur og Harðar Grímssonar búenda þar. Harpa er alveg komin að barnsburði og reyndar var von á barninu núna í dag.

Ljóst má vera af framansögðu, að Aron og Harpa vinna ekki mikið fyrir sér og barninu alveg á næstunni. Þess vegna hafa æskuvinir Arons stofnað styrktarreikning til að aðstoða fjölskylduna á þessum erfiðu tímum. Reikningsupplýsingarnar eru:

• 0153-26-065003
• Kt. 230190-3139