Húsafriðunarnefnd hefur veitt hálfrar milljónar króna styrk til endurbóta á kirkjunni í Gufudal, sem byggð var árið 1908 og friðlýst er að lögum. Árið áður en þessi kirkja var reist í Gufudal var Gufudalsprestakall lagt niður og sóknin lögð undir Stað á Reykjanesi í Reykhólasveit. Núna liggur sóknin undir Reykhólaprestakall. Kirkja hefur verið í Gufudal allt frá árdögum kristni á Íslandi.

 

Einnig ákvað Húsafriðunarnefnd að veita 1.700.000 króna styrk til endurbóta á skólahúsinu í Ólafsdal við Gilsfjörð, sem byggt var árið 1896. Sumarið 2007 var Ólafsdalsfélagið stofnað til uppbyggingar á þessu fræga skólasetri. Reykhólahreppur er meðal stofnenda félagsins.

 

Sjá einnig:

Húsafriðunarnefnd - úthlutun styrkja 2011
Vestfjarðavefurinn - Kirkjur í Barðastrandarsýslu
Stöðug uppbygging í Ólafsdal við Gilsfjörð

Vefur Ólafsdalsfélagsins