Ekki fékkst nægileg þátttaka í ferð austur á land í sumar sem Félag eldri borgara í Dalabyggð og Reykhólahreppi auglýsti fyrir páska. Væntanlega hefur einhverjum þótt sú ferð nokkuð löng og ströng. Nú er í staðinn áformuð tveggja daga ferð suður á land 30. júní til 1. júlí með gistingu eina nótt á Laugarvatni. Farið verður um Njáluslóðir og víðar. Allir eldri borgarar eru velkomnir í ferðina, hvort sem þeir eru í félaginu eða ekki.

Ferðin með uppihaldi og gistingu kostar 18 þúsund krónur. Þar er miðað við gistingu í tveggja manna herbergjum. Gisting í eins manns herbergi kostar eitthvað meira.

Mikilvægt er að skrá sig í ferðina sem fyrst og alls ekki síðar en 16. maí, því tilboðið um gistingu gildir ekki lengur. Um tuttugu manns þarf til að hægt sé að fara.

Jóhann og Þrúður í Ási taka við pöntunum í síma 434 1272 og 893 0109.