Ferðafólk sumarsins er talsvert farið að láta sjá sig úti um land. Eins og venjulega er verslunin Hólakaup á Reykhólum opin alla daga yfir sumartímann og lengur dag hvern en yfir veturinn. Í Hólakaupum ættu ferðamenn að fá flest sem þeir þurfa, hvort heldur það eru matvörur eða bensín eða eitthvað annað fyrir sjálfa sig eða bílinn. Opið er alla sjö daga vikunnar frá kl. níu á morgnana til kl. níu á kvöldin.