Sunnukórinn á söngferð um Íslendingaslóðir í Vesturheimi árið 2002.

Ekkert verður af söngskemmtuninni sem Sunnukórinn á Ísafirði hugðist halda í íþróttahúsinu á Reykhólum á sunnudag. Kórinn verður hins vegar með tónleika í Hólmavíkurkirkju kl. 17 á morgun, laugardag.

Efnisskráin hefur spænskt yfirbragð með íslensku ívafi og verða m.a. flutt lög eftir Jónas Tómasson og Fjölni Ásbjörnsson. Á dagskránni eru kórsöngur, einsöngur, gítarleikur, píanóleikur og flautuleikur. Ingunn Ósk Sturludóttir og Steinþór Bjarni Kristjánsson syngja einsöng, Sigurður Friðrik Lúðvíksson leikur á gítar en Sigríður Ragnarsdóttir og Dagný Arnalds leika á píanó. Einnig syngur oktettinn Áttund. Stjórnandi er Dagný Arnalds. Aðgangur er ókeypis.

 „Það er þeim mun leiðara að þurfa að gera þetta núna, að við þurftum líka að aflýsa söng okkar á Reykhólum í vor,“ segir í tilkynningu frá kórnum þar sem greint er frá því að tónleikarnir á Reykhólum falli niður.

Sunnukórinn á Ísafirði nálgast nú áttrætt en hann var stofnaður haustið 1934.

► Saga Sunnukórsins á Ísafirði fyrstu 70 árin