Haförn. Mynd: Wikipedia.

Súpufundinum sem átti að vera á Reykhólum annað kvöld hefur verið frestað um óákveðinn tíma. Á þessum fundi var ætlunin að kynna það sem á döfinni er hjá Össusetri Íslands ehf. en vegna anna þar á bæ eru mál þar ekki komin eins langt á veg og vonast var til.

Einhvern tímann þegar líður á sumarið verður blásið til súpufundar þar sem staðan hjá Össusetrinu og framtíðaráform verða kynnt.

Næsti súpufundur verður þriðjudagskvöldið 3. júlí og nánar auglýstur þegar þar að kemur.