Boðsbréf Fjórðungssambands Vestfirðinga, Atvinnuþróunarfélags Vestfjarða og Sóknaráætlunar 20/20 á Þjóðfund Vestfjarða, sem haldinn verður í íþróttahúsinu í Bolungarvík laugardaginn 6. febrúar, eiga að hafa borist þjóðfundargestum á Vestfjörðum. Til að fundurinn nái markmiðum sínum þarf að tryggja ákveðinn fjölda fundargesta. Því er mikilvægt að þeir sem hafa fengið boðsbréf staðfesti mætingu eða afboðun. Í stað þeirra sem afboða sig verður nýtt fólk boðað. Því eru fundargestir hvattir til að svara bréfi fundarboðenda núna í dag eða eigi síðar en að morgni mánudags 1. febrúar. Staðfestingu skal tilkynna í netfangið gunnasigga@uwestfjord.is eða í síma 450 3000.

 

Þjóðfundurinn á Vestfjörðum er hluti af fundaröð Sóknaráætlunar 20/20 í öllum landshlutum. Hann hefst kl. 10.15 og stendur til 16.15. Fundurinn er ekki opinn en til hans er boðað með bréfi sem sent hefur verið til einstaklinga og hagsmunaaðila á Vestfjörðum. Nánari uppl. er að finna á www.island.is/endurreisn/soknaraetlun-islands/.