Sveitarstjórn vill format umhverfisáhrifa leiðar A
Ingibjörg Birna Erlingsdóttir sveitarstjóri f.h. sveitarstjórnar Reykhólahrepps hefur sent tveimur ráðherrum og ráðuneytum þeirra eftirfarandi bókun varðandi vegamál sem hreppsnefndin samþykkti á síðasta fundi sínum: „Hreppsnefnd Reykhólahrepps fer fram á að vinna verði hafin við gerð formats umhverfisáhrifa á svokallaðri leið A yfir Þorskafjörð.“ Ráðherrarnir sem um ræðir eru Ögmundur Jónasson ráðherra samgöngumála og Svandís Svavarsdóttir umhverfisráðherra.
Leiðin sem kallast leið A liggur framhjá Reykhólum og út Reykjanesið, þ.e. núverandi þjóðvegur út að Stað og Árbæ, og síðan yfir mynni Þorskafjarðar og yfir á Skálanes. Tillaga í þessa veru hefur ekki áður komið fram í bókunum eða álitsgerðum sveitarstjórnar Reykhólahrepps. Fram til þessa hefur verið lögð áhersla á láglendisleið sem lægi með Þorskafirði norðanverðum, meðal annars um Teigsskóg, og yfir mynni Djúpafjarðar og Gufufjarðar (leið B) enda er hún á aðalskipulagi. Verði sú hugmynd endanlega slegin af vill sveitarstjórn að A-leiðin verði könnuð og heldur sig við kröfuna um láglendisleið.
Rauða línan á mynd nr. 1 sýnir hugmynd að þverun yfir mynni Þorskafjarðar en hinar línurnar sýna aðra kosti sem verið hafa í umræðunni.
Á mynd nr. 2 er sýnd hugmynd að þverun yfir mynni Þorskafjarðar ásamt sjávarfallavirkjun.
Sjá einnig m.a.:
08.09.2011 Vegamálin: Hugsa verður til framtíðarinnar
30.08.2011 Vegur með sjávarfallavirkjun og Reykhólar í þjóðbraut?
Jóna Valgerður, rijudagur 01 nvember kl: 09:58
Það var fyrst rætt um leið A í sveitarstjórn sem sat frá 1998-2002. Við vildum flest fara þá leið, en Vegagerðin taldi það of dýrt á þeim tíma. Við fundum í gamalli byggðaáætlun sem unnin hafði verið á árunum 1960-1970 að mig minnir, tillögu um brú á þessum stað. Mér líkar það vel að þessi leið verði skoðuð í fullri alvöru.