Heyskapur á Broddanesi laust eftir 1950

Ljósmyndasýning sem ber heitið Manstu? verður opnuð í Sævangi við Steingrímsfjörð kl. 15 í dag, sunnudag. Um er að ræða myndir Tryggva Samúelssonar, sem hann tók á Ströndum á árabilinu 1950-1970. Óskað er eftir aðstoð við greiningu myndefnis (fólk, tími, staðir). Sýningin er samstarfsverkefni Sauðfjársetursins með Ljósmyndasafni Íslands (Þjóðminjasafni), en þar voru myndirnar á greiningarsýningu í vetur.

Í tilefni dagsins verður kaffihlaðborð á boðstólum í Sævangi. Að líkindum verður sýningin uppi í allt sumar, en skipt verður út myndum að hluta öðru hverju.

Hér fylgir ein af myndum Tryggva Samúelssonar: Heyskapur á Broddanesi laust eftir 1950. Myndin er í eigu Þjóðminjasafnsins.