Hjörtur syngur Ferðalok. mbl/Sjónvarp.

Bolvíkingurinn Hjörtur Traustason sem sigraði í The Voice á SkjáEinum í gærkvöldi er „tengdasonur Reykhólahrepps“ eins og slíkt er stundum kallað, en kona hans er Freydís Ósk Daníelsdóttir frá Ingunnarstöðum í Geiradal.

Hirti er fleira til lista lagt en söngurinn. Í fagnaðinum í Vogalandi í Króksfjarðarnesi í fyrrasumar þegar Daníel á Ingunnarstöðum varð sextugur fór Hjörtur á kostum þegar hann sagði sögur af samskiptum við tengdapabba. Meðal annars greindi hann frá sinni fyrstu smalamennsku með honum, sem hann var farinn að halda að yrði jafnframt sú síðasta. „Ég hélt að kallinn myndi sprengja mig.“

Lagið Ferðalok sem Óðinn Valdimarsson gerði á sínum tíma að þjóðareign var lokalag Hjartar í keppninni. Hér má sjá og heyra hann syngja lagið í gærkvöldi (mbl/Sjónvarp) og hér eru myndir af honum á úrslitakvöldinu.