Ingibjörg Birna í góðum hópi í einstakri blíðu á Reykhóladögum 2012.

„Reykhóladagarnir tókust frábærlega og má þakka það ótakmörkuðum áhuga ferðamálafulltrúans Hörpu Eiríksdótttur og aðstoðarfólks hennar,“ segir Ingibjörg Birna Erlingsdóttir sveitarstjóri. „Þátttakan var glæsileg, Reykhólar skörtuðu sínu fínasta í sól og yndislegu veðri, stoltir íbúar tóku á móti gestum og áttu með þeim glaða daga.“

Sveitarstjóri vill koma á framfæri þakklæti til allra þeirra sem komu að Reykhóladögum á einn eða annan hátt. Og ekki síður til allra þeirra sem lögðu leið sína á Reykhóla þessa daga og áttu góðar stundir með heimafólki.

Minnt skal á fjórar syrpur af myndum frá Reykhóladögum, samtals 216 myndir, undir Ljósmyndir / Myndasyrpur í valmyndinni hér vinstra megin.