Á miðvikudag andaðist á Dvalarheimilinu Barmahlíð á Reykhólum Theodóra Guðnadóttir, sem lengst af var húsfreyja á Höllustöðum í Reykhólasveit. Hún var dóttir Guðna Pálssonar úr Biskupstungum og Ingveldar Guðjónsdóttur úr Helgafellssveit á Snæfellsnesi. Theodóra var ekkja Samúels Björnssonar bónda á Höllustöðum, sem látinn er fyrir nærfellt 25 árum. Börn þeirra eru Kristrún, Jónas, Þorgeir, Ingvar og Björn, sem flest eru búsett á Reykhólum.

 

Útförin fer fram frá Háteigskirkju í Reykjavík fimmtudaginn 6. maí kl. 13. Theodóra heitin verður jarðsett syðra við hlið eiginmanns síns.