15. júní 2014 | vefstjori@reykholar.is
Þjóðhátíðardagskráin í Reykhólahreppi
Hátíðarhöld 17. júní í Reykhólahreppi verða í Bjarkalundi að venju. Dagskráin er í höndum Umf. Aftureldingar og hefst kl. 14 með skrúðgöngu og ávarpi fjallkonunnar. Til reiðu verða hoppukastalar, andlitsmálun fyrir börnin og leikir fyrir börn og fullorðna. Inni á hótelinu verður kaffihlaðborð sem kostar 1.500 krónur fyrir fullorðna og 700 krónur fyrir yngri en 12 ára.
Ungmennafélagið Afturelding og Hótel Bjarkalundur bjóða unga sem eldri hjartanlega velkomna á þjóðhátíðina á þriðjudag, 17. júní.