27. janúar 2013 |
Þorrablótið: Við erum afskaplega sátt
Meðal gesta voru hjónin Ólína Þorvarðardóttir alþingismaður og Sigurður Pétursson sagnfræðingur og bæjarfulltrúi á Ísafirði.
Um 200 manns sátu þorrablótið á Reykhólum í gærkvöldi. „Við erum afskaplega sátt, bæði með aðsóknina og hvernig til tókst á allan hátt,“ segir Harpa Eiríksdóttir, sem sæti átti í þorrablótsnefndinni. „Við skemmtum okkur konunglega og vonum að allir aðrir hafi gert það líka.“
Sveinn Ragnarsson á Svarfhóli í Geiradal flutti þorrablótsannálinn hefðbundna. Ef að líkum lætur kemur hann hér á vefinn að venju áður en langt um líður.
Hér fylgja þrjár svipmyndir frá blótinu, sem Beggi á Gróustöðum tók. Miklu fleiri mynda úr fagnaðinum er að vænta hér á vefinn á morgun.