Slow Food á Íslandi og Þaulsetur sf. standa fyrir keppni í gerð rúllupylsu í Þurranesi í Saurbæ laugardaginn 22. nóvember kl. 14. Skráning í keppnina er sama dag milli kl. 13 og 13.30 í Þurranesi. Dómarar verða m.a. Dominique Plédel Jónsson frá Slow Food Ísland og Kjartan H. Bragason frá Meistarafélagi kjötiðnaðarmanna.

Á Facebooksíðu keppninnar segir:

Að gera rúllupyslu úr kindakjöti er gömul og góð hefð á íslenskum heimilum. Keppnin er haldin til að viðhalda og vekja athygli á fornum hefðum og handverki í matargerð.

Fornar verkunarhefðir og handverk í matargerð mega hvorki gleymast né staðna. Því er nauðsynlegt að leyfa ímyndunaraflinu að njóta sín, prófa nýjar leiðir og stuðla þannig að þróun í gerð hefðbundinna matvæla.

Kynslóðirnar er því hvattar að koma saman við rúllupyslugerð, læra hver af annarri og njóta tímans saman.

Sjá einnig:

► 21.11.2013 Rúllupylsukeppnin haldin í Sævangi

► 02.12.2012 Verður nú vart aftur snúið (fyrsta rúllupylsukeppnin var haldin í Króksfjarðarnesi)