7. janúar 2021 | Sveinn Ragnarsson
Þverun Þorskafjarðar boðin út í næstu viku
mynd, af vef Vegagerðarinnar
Stefnt er að því að bjóða út þverun Þorskafjarðar í næstu viku, en nýverið náðist samkomulag við landeigendur í Þorskafirði.
Verkið ber heitið Vestfjarðavegur (60) um Gufudalssveit, Kinnarstaðir-Þórisstaðir. Í því felst nýbygging Vestfjarðavegar á um 2,7 km kafla við austanverðan Þorskafjörð.
Meðal verkefna er bygging 260 metra langrar steyptrar brúar yfir Þorskafjörð.
Vegurinn er alfarið byggður í nýju vegstæði en tengist núverandi Vestfjarðavegi í báða enda.
Útboðið er auglýst á Evrópska efnahagssvæðinu (EES).
Tilkynning af vef Vegagerðarinnar.
Frétt um þetta á visir.is er hér.