Vegna þess að næstu tvo miðvikudaga ber upp á jóladag og nýársdag færist þjónusta Landsbankans á Reykhólum til. Í staðinn verður hún föstudaginn 27. desember og fimmtudaginn 2. janúar með að öðru leyti venjubundnum hætti í húsakynnum Reykhólahrepps við Maríutröð og á Dvalarheimilinu Barmahlíð.

Frá því að útibúi bankans í Króksfjarðarnesi var lokað í fyrrasumar hefur Sóley Vilhjálmsdóttir í Nesi komið á Reykhóla á miðvikudögum og annast almenna bankaþjónustu á ofangreindum stöðum. Eins og nú kemur hún einhvern annan dag ef miðvikudag ber upp á helgidag.